Þar sem græna hjartað slær!

Eftir að hafa gefið út tímaritið LIFUM BETUR í 11 ár, unnið með fjölda umhverfisvænnna fyrirtækja og talað við áhugasama lesendur þá sá ég þörfina á að brúa bilið á milli þessara tveggja aðila, enda engin slíkur vettvangur til þar sem allt grænt er á einum stað. Hugmyndin með Græna torginu er að þar geti neytendur fundið fróðleik, vörur og þjónustu sem þeir geta treyst, fræðst um fyrirtækin, fundið lausnir fyrir heimilið og/eða vinnu og gert það á hagkvæman hátt. Semsagt að einfalda fólki lífið sem vill lifa grænum lífstíl. Á sama tíma geta fyrirtæki, vörumerki, stofnanir og samtök komið sér á framæri á einu grænu torgi, komið sögu sinni og vörum á framfæri, deilt efni og í framtíðinni selt vörur beint af vefnum.

En ekki misskilja mig

Með þessum vef er ég ekki að hvetja til óþarfa innkaupa, heldur fá fólk til að hugsa betur út í það sem það kaupir og auðvelda því að velja það sem hefur minnst skaðleg áhrif á umhverfi og fólk. En auðvitað er alltaf best að nýta betur það sem maður á, það eru hlutirnir sem eru nú þegar heima sem eru umhverfisvænastir.