Íslenskur textíliðnaður hf (Ístex hf) er ullarvinnslufyrirtæki sem vinnur að því að skapa sem mest verðmæti úr íslenskri ull. Markmið Ístex er að framleiða hágæða vörur úr íslenskri ull fyrir þá sem kjósa náttúrulegar, sjálfbærar og umhverfisvænar vörur. Lopidraumur er ný vörulína á vegum Ístex. Það er okkar leið til að nýta þá ull sem ekki er hægt að nota í handprjónaband. Markmiðið okkar er að framleiða hágæða sængur úr 100% íslenskri ull sem eru umhverfisvænar og sjálfbærar. Ístex kaupir ullina beint frá bændum og er hún þvegin í þvottastöð Ístex á Blönduósi. Ullin er OEKO-TEX Standard 100 vottuð. Íslensk ull er heilnæmur kostur fyrir svefninn, hún gefur góða öndunareiginleika frá náttúrunnar hendi. Hún er það náttúrulega efni sem getur dregið í sig mesta magn raka og hleypir honum einnig auðveldlega frá sér. Ull hefur þannig góða hita- og rakastýringu. Hún bregst við breytingum á hitastigi þess sem notar hana og leggur þanni grunninn að góðum svefni.

Hlaðan er hugarfóstur, nálgun eða bara áhugamál skapandi ljósmyndara mariakatrin.is. Hún var áður í rekstri sem verslun og vefverslun á árunum 2011-2015. Börn, dýr, fallegt umhverfi, hrein náttúrleg efni, villtur gróður og sveitin eru mér uppspretta endalausra hugmynda og verkefna. Ég tengi sterkt við hluti sem hafa sál. Fallegt vandað handverk veitir mér innblástur alla daga. Hlaðan, verslun er vísun að náttúrulegri nálgun og tímalausri klassík.

„Í starfi mínu sem ljósmyndari (mariakatrin.is) , hef ég veitt foreldrum barna leiðsögn í fatavali ef þeir óska eftir því, til að ná fram ákveðnu útliti eða tilfinningu í myndum því þar skiptir áferð fatnaðarins miklu máli. Sem móðir fjögurra drengja, hef ég átt erfitt með að finna náttúrulegan og tímalausan fatnað, eftir ákveðinn aldur. Ég hef þurft að leita víða. Smábarnafötin eru oft draumi líkust en svo stækka börnin og þá verða fötin oft svo krefjandi og fullorðinsleg að barnið týnist. Ég er að tala um risastór lógó, skæra liti, ofurhetjur og gerviefni. Vandaður fatnaður stenst betur tímans tönn og hægt er að nota hann aftur og aftur.“

Margir foreldrar kjósa að velja vandaðan og eiturefnalausan fatnað á börnin sín í stað þess fjöldaframleidda og er þeim alltaf að fjölga sem taka meðvitaða ákvöruðun, þar sem hugað er að umhverfi og starfsháttum í framleiðslu. Þá er mikill tímasparnaður í því að geta fundið lífrænt framleiddan fatnað á öll börn, 0-10 ára á einum og sama staðnum. Það er ekki nóg að vara líti út fyrir að vera lífræn þegar ekkert í framleiðsluferli hennar er það, það skapar vissulega rugling.

Allur fatnaður í Hlöðunni er OEKO-TEX og GOTS vottaður.